عوام نے ڈکیت کو سبق سکھادیا

• 
• 

سنٹیاگو(نیوز ڈیسک) اسلحے کے زور پر انسان کے جان و مال سے کھیلنے والے مجرم جب کبھی عوام کے ہتھے چڑھ جائیں تو پھر ان پر خوب غصہ نکالا جاتا ہے اور ایساہی کچھ افریقی چوروں کے ساتھ ہوا۔ جنوبی امریکہ کے ملک چلی میں ایک بزرگ شہری کو لوٹنے کی کوشش کرنے والے ڈاکو کو ایسا عبر تناک سبق سکھایا گیا کہ وہ اسے تا عمر یاد رکھے گا۔

یہ بد بخت ایک معمر شہری کو چاقو دکھا کر لوٹ رہا تھا کہ کچھ راہگیروں نے ہمت سے کام لیکر اسے قابو کر لیا اور نشان عبرت بنانے کیلئے بر ہنہ کرکے ایک کھمبے کے ساتھ شفاف ٹیپ لپیٹ کر جکڑ دیا گیا ۔کافی دیر تک اسی شرمناک حالت میں عوامی تفریح بننے کے بعد بالا آخر پولیس کے آنے پر اسے نجات ملی۔اسی دوران عوام اپنے موبائل فونز پر اس منفرد منظر کی ویڈیو بناتے رہے ۔

پولیس کا کہنا ہے کہ بزرگ شہری نے اسے معاف کر دیاہے اور اس کے ساتھ عوام نے جو کیا اس کی شکایت نہیں کی گئی لہٰذاکوئی مزید کاروائی نہیں کی جا رہی۔