سٹیج اداکارہ کومل ناز کینیڈا میں غائب ہوگئیں

لاہور (ویب ڈیسک) معروف ٹی وی اور سٹیج اداکارہ کومل ناز کینیڈ امیں غائب ہوگئی ہیں۔ انتہائی باوثوق ذرائع نے بتایا ہے کہ کومل ناز ڈیڑھ ماہ قبل ایک ثقافتی طائفے کے ہمراہ لاہور سے کینیڈا گئی تھیں جن میں ان کے ساتھ اداکار ظفری خان، امانت چن، صائمہ کان سمیت دیگر فنکار بھی شامل تھے،کومل ناز کے ہمراہ جانیوالے سب فنکار واپس آگئے لیکن کومل ناز کینیڈا میں ہی رہ گئی ہیں۔ کینیڈا میں مقیم پروموٹر لیاقت چودھری بھی اس حوالے سے پریشان ہے اور انکا یہ کہنا ہے کہ کومل ناز ایئرپورٹ پر اپنا بورڈنگ کرواتے ہی ایئرپورٹ سے غائب ہوگئیں
اور تاحال وہ کینیڈا میں ہی ہے لیکن یہ معلوم نہیں ہے کہ وہ کہاں ہیں۔ دوسری جانب ذرائع کا کہنا ہے کہ کومل ناز کو پولیس نے سٹیج اداکارہ ہنی شہزادی کے گھر ہونے والی قتل کی واردات کے دوران زیر تفتیش رکھا تھا ۔ ذرائع کے مطابق کومل ناز جب ثقافتی طائفے کےساتھ کینیڈا جارہی تھیں تو چند روز قبل انہیں نامعلوم افراد کی جانب سے دھمکیاں بھی آئی تھیں جس کا ذکر خود کومل ناز نے اپنے ساتھی فنکاروں سے بھی کیا تھا ۔